Diskurso Nelson Navarro ‘Tur Wowo Riba Bo’

August 12, 2015 8:43 AM

WILLEMSTAD - Diskurso di Minister di Hustisia Mr. Nelson Navarro na apertura Konferensha Top C, ‘Tur Wowo Riba Bo’. 

 
Koleganan Minister presente,
 
Sekretarionan General i direktornan di sektor di e varios Ministerionan,
Invitadonan,Damas i Kabayeros, bon dia i bon bini na apertura di e 
Konferensha aki, titulá, ‘Tur Wowo Riba Bo’.
 
Meta di e Konferensha aki, ta pa para un ratu ketu na e lokualnan nos a logra kaba pa loke ta trata e projekto Top C (Top Curaçao –‘Tur Wowo Riba Bo’), kiko nos no a logra ainda i kiko mas nos mester hasi pa nos por logra nos metanan fihá.
 
Pa refreska memoria di un i tur, ta bon pa rekordá, ku e projekto, ‘Tur Wowo Riba bo’ a keda realisá riba inisiativa di Ministerio Públiko na luna di desèmber 2014, den kua projekto varios organisashon ta representá. Durante di e promé Konferensha riba 20 di yanüari 2015, no menos ku 45 organisashon a mustra nan disponibilidat pa koperá.
 
Ministerio Públiko ku e projekto aki, ke pone un paro ὸf alomenos frena di forma serio, e residivismo bou di hubentut entre 12 pa 24 aña i partikularmente evitá ku tin mas hoben ta subi e kaminda di kriminalidat.
 
Esaki partikularmente dor di limitá seriamente e kantidat di delitonan ku ta formá un impakto serio riba komunidat; esakinan entre otro ta enserá, ladronisia kombiná ku violensha, maltrato pisá i hasta asesinato.
 
Na Munisipio di Ámsterdam, nan a logra den pasado resien, abase di e asina yama, ‘Top 600’ na redusí di forma signifikativo e “High Impact Crimes”, esta krimennan ku un impakto hopi serio. Esei tambe ta e meta 
di Top C. Pero pa por logra esaki, ministerionan i organisashonan mester kopera ku otro den un forma kordina, organisa i motiva. E inisiativa pa e koperashon aki, por bin di ambos banda.
 
Varios ta e Ministerionan cq entidatnan aki na Kὸrsou ku ta dunando nan aporte kaba pa e projekto, ‘Tur Wowo Riba Bo’ por ta un éksito.
 
Den e kuadro aki mí por menshoná entre otro:
 
 Ministerio pa Asuntunan Sosial i di Bienestar, ku e projekto 1000 hoben na trabou; e Ministerio a tuma e inisiativa pa wak si tin hoben ku ta riba e lista di Top C, ku por ta adekua pa forma parti di e projekto, 1000 hoben na trabou.
 
 Kontakto intensivo entre e “Regisseur” di Top C i e persona enkargá ku guía na SDKK (prison di Koraalspecht), basá riba relatonan semanal di e 
komportashon di e sujeto (hoben den prison, sea positivo ὸf negativo; además ta trahando riba un plan di detenshon pa kada un di nos sujetonan riba lista kual ta den prison na e momentunan aki
 
 Asina mi por keda menshoná mas instansha, tur trahando intensivamente huntu, formando parti di e kadena, p’esaki keda fuerte.
E koperashon entre Ministerio Públiko, SOAW, SDKK i otro instanshanan enbolbí, komo parti di e método Top C (Top Curaçao) ta basá riba unu duradero i konkreto i sigur no ta un projekto temporal. Aparte di e Ministerionan i otro instanshanan menshoná na nomber, ta bon pa enfatisá rὸl di tur e ‘ketenpartnersnan’, manera entre otro KPC (Kuerpo Polisial di Kὸrsou), Reclassering, Jeugdreclassering, ‘Gezinsvoogdij’ i OM (Ministerio Públiko) naturalmente ku ta sóru pa e “Regisseur”. Den futuro serkano, e meta ta, pa otro organisashonan i instanshanan tambe kuminsa apunta ‘regisseur’ pa forma parti di e famia di Top C.
 
E ‘Stuurgroep’ ta forma pa Hefe di Ministerio Públiko, Hefe di Reclassering, Hefe di Voogdijraad i e Hefe di KPC. Manera mi a indiká na un prinsipio, meta di e Konferensha aki ta pa para un ratu ketu, na kiko nos a logra kaba, kiko nos no a logra ainda i kiko nos mester hasi pa nos por logra.
 
E koperashon demonstrá te ku awó pa parti di tur e aktornan ta dunando su frutanan i komo tal ta kresiendo; ta bisto kaba ku e koperashon aki no ta limitando su mes na e kadena hudisial so, pero tambe riba tereno di 
Enseñansa i riba tereno di Salubridat esaki ta keda manifestá.
 
Den e kuadro aki por menshoná e akuerdo di koperashon firmá entre e Ministernan di SOAW, GMN, OCWS i Hustisia. Mester buska na mas maneranan, pa hasi e akuerdo aki realidat, i no solamente un pida pampel ofisial ku firmanan riba dje.
 
E projekto ‘Tur Wowo Riba Bo’ mester manda un señal preventivo, p’asina evitá ku otro hobennan tambe ta bai hasi nan mes kulpabel na krimennan di un embergadura serio. Ademas di esaki, pa esnan ku ya kaba ta enbolbi den aktonan kriminal i ku ta riba lista di Top C, e mensahe ta, manera e nomber mes ta bisa “Tur Wowo Riba Bo’. 
 
Nos ta keda traha kubo, te ora bo bai riba e kaminda rekto. Basá riba e pensamentu aki i siguiendo sierto kriterio, ya kaba a selektá un grupo di 34 hoben, kendenan a keda pone riba e lista Top C.
 
E kriterionan aki ta entre otro:
 
 Ku tal hobennan durante ultimo sinku (5) aña tabata un residivista;
 
 Ku nan ta kai entre edat di 12 pa 24 aña;
 
 Ku ya kaba nan a risibí kondena di prison durante añanan, 2012, 2013 i 2014 i
 
 Ku nan a hasi nan mes kulpabel na krimennan ku a laga tras un impakto grandi negativo den komunidat, esta ladronisia kombiná ku violensha, maltrato severo i asesinato; E 34 hobennan aki ta keda atende di forma personal, saliendo for di tres forma di aserkamentu.
 
 E residivista ta keda vigila konstantemente, mustrand’e alabes ku su aktonan kriminal i/ὸf kondukta indeseabel lo tin konsekuensha negativo p’e; 
 
 E residivista ta hañá posibilidat pa desaroyá su abilidatnan sosial i profeshonal, p’asina garantisá su mes un futuro sin kriminalidat. Tur asistensha i guía necesario ta algu ku e por konta ku n’e;
 
 Rumannan (tantu homber i muhé) di e residivista kaminda ta necesario tambe ta hañá guía i ayudo, di forma ku nan por desaroya nan mes den 
siudadanonan salud i ehemplar.
 
E projekto ‘Tur Wowo Riba Bo’ ta parti di un struktura di organisashon eksístoso, formá pa e ‘Stuurgroep top C, e Tim di Maneho Operashonal (OBT) i e “Regisseurnan’, ku nan konsultanan di Ehekushon (UVO’s).
 
E meta final ta keda pa logra resultadonan konkreto na bienestar di nos komunidat i partikularmente nos hobennan ku a desvia i/ὸf ta koré riesgo di desvia.
 
Mi ke desea un i tur hopi éksito ku e Konferensha importante aki, kual ta un oportunidat tambe pa orienta i mira kiko ta wordu hasi pa nos hobenan ku a perde e kaminda i kiko abo komo invitado por nifika den e totalidat aki.
 

Lawyer Roeland Zwanikken considers legal action against ABN AMRO Bank

May 08, 2021 6:14 PM
THE HAGUE--Attorney-at-law Roeland Zwanikken at St. Maarten’s BZSE law office is considering legal action against the intention of the Dutch ABN AMRO Bank to close the bank accounts of its clients in the Dutch Caribbean.

Fiscaal onderzoek bij notariskantoren vinden doorgang

May 07, 2021 8:04 AM
In het Antilliaans Dagblad: Fiscaal onderzoek bij notariskantoren
WILLEMSTAD – De fiscale onderzoeken bij de notarissen vonden en vinden, ondanks de beperkingen van Covid-19, weer doorgang en de medewerking aan de kant van notarissen en adviseurs is daarbij ‘over het algemeen goed’.

Juridische miljoenenstrijd tussen BNP Paribas en Italiaanse prinses verhardt

February 22, 2021 4:51 PM
  • Bezit van Italiaanse Crociani-familie op Curaçao mag van rechter worden verkocht
  • De Crociani's ruziën al jaren met BNP Paribas over een claim van $100 mln
  • Curaçaos trustkantoor United Trust heeft 'geen enkele relatie meer' met Camilla Crociani
Een Italiaanse prinses met zakelijke belangen in Nederland heeft het onderspit gedolven bij diverse rechtbanken in een langslepend conflict met zakenbank BNP Paribas.